იმისათვის, რომ მიაღწიო ნებისმიერ ხელშესახებ და მნიშვნელოვან მიზანს, უნდა გარისკო.

ადამიანის მთელი ცხოვრება ხომ რისკს წარმოადგენს:

იცინი? - რისკავ, რომ სულელად მიგიჩნევენ.

ტირი? - რისკავ, რომ სისუსტეში ჩაგითვლიან.

გაენდობი? - რისკავ, რომ აჩვენებ შენს ჭეშმარიტ სახეს.

შეიყვარებ? - რისკავ, რომ პასუხად მიიღებ გულგრილობას.

იმედოვნებ? - რისკავ, რომ გაიგებ რა არის იმედგაცრუება.

ეცდები? - რისკავ, რომ გამოცდი დამარცხების სიმწარეს.

ცოცხლობ? - რისკავ, რომ მოკვდები.

ამიტომ, უნდა გადაწყვიტო და გარისკო, რადგან ყველაზე დიდი რისკი შენს სიცოცხლეში - ურისკოდ განვლილი ცხოვრებაა.

ადამიანი, რომელიც არასოდეს და არაფრით რისკავს - არაფერს აკეთებს, არაფერი გააჩნია და არაფერს წარმოადგენს.

შესაძლოა რისკის გარეშე თავი აარიდო მწუხარებასა და ტანჯვას, ტკივილსა და უსიამოვნებას, მაგრამ ვერაფერს ისწავლი, ვერაფერს იგრძნობ, ვერ შეიცვლები, ვერ შეიყვარებ და ვერ იცხოვრებ.

საკუთარი ბედით შებორკილი, გახდები მისი მონა და დაკარგავ თავისუფლებას.

თავისუფალია მხოლოდ ის, ვინც რისკავს!

ცხოვრების ბოლოს კი მწარედ ინანებ, რომ არ გარისკე მაშინ, როცა ამის შესანიშნავი საშუალება გქონდა...