კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 2 ოქტომბერი 11:41

 

 

 

მერცხლის ფრთების მოიმედეს

გაზაფხული მომივიდა,

ვუცქერ ნუშებს, ატმის ყვავილს

და მზეს - ლომის თავივითა.


ცისარტყელა!

ჩქარა, ბოძი -

ცისარტყელის დასარჭობლად!

მოერიდე, ნუ შეხედავ

მახათის მთას ნასახრჩობლარს.


მაგრამ მე თავს არ დავიხჩობ, -

გინდაც იდგეს სახრჩობელა,

რადგან მთები და ბაღჩები

ჩახჩახებენ მზეში - ყველა.


რადგან ვაშლის ყვავილები

ირმის რძეზე თეთრი არის

და თბილისის ძველ ქუჩებში

დატკბილდება ხეტიალი.


რადგან ჩემი სიჭაბუკე

აქ ყოველწლივ მეორდება

და ლამაზი, მთვარისპირა,

ხეივანში მელოდება...

 

პოეზიის გვერდი   • • •   პოეზია - გიორგი ლეონიძე  • • •   გიორგი ლეონიძის პოეზია

მსგავსი თემები