ერთს მივუმატოთ ერთი -

უდრის, ცხადია, ორს!

ცხენს მივუწვინოთ ვირი -

ხანდახან უდრის ჯორს!

შტერს მივუმატოთ შტერი -

უდრის პასკვილანტ წყვილს!

კაცს მივუმატოთ ქალი -

ხანდახან უდრის შვილს!

ქალს მივუმატოთ ქალი -

უდრის ლესბოსურ წყვილს!

ნესტო და ნესტო უდრის

ერთ სურდოიან ცხვირს!

გემს მივუმატოთ გემები -

უდრის, ასე ვთქვათ, ფლოტს!

კაცს მივუმატოთ არაყი -

ხანდახან უდრის ლოთს!

ერთს რას ვამრავლებთ ერთზე -

მივიღებთ ისევ ერთს!

მამა, ძე, სულიწმინდა -

უდრის ჩვენს იმედს - ღმერთს...

კაცს მივუმატოთ დაღლა -

უდრის რატომღაც ძილს...

ძირს სიკვდილიც და ძილიც!

ძირს!

ძირს!

ძირს!