ნუ მომწმენდ ცრემლებს... ნუ მომწმენდ ცრემლებს,

მანდილი სისხლით დაინამება,

ნუ, ნუ შემახებ უვნებო ხელებს,

არ მიყვარს გრძნობის განიავება.

თუ გახსოვს სიტყვა ალერსს ჩვეული,

რომ სიყვარული მაქვს გრძნობის ფარად:

მე სამეგობროდ მუდამ რჩეული -

ვიყავ და ასე დავრჩები მარად.

მთვარემ სამხრეთი გადაიარა...

მაწამებს გრძნობა და შენზე ფიქრი,

მინდა დარდები გაგიზიარო,

ო, ეს სიცოცხლე რა ფუჭად მიქრის.