ქარი ასხლტა ურასავით

ცაზე მკერდის დასახლელად,

კლდეკარები ურაზავი

მძლავრი ფრთებით გადაქელა.

გახელდა და არიალდა

მუხლში იგრძნო მთათა ძალა,

აიწყვიტა დარიალთან,

ზღვის კიდემდე ფრთა გაშალა.

შემოჯარა ჯერ ღრუბლები,

მეხი იხმო თანატოლად,

მწვერვალები ხელუხლები

ნარისხვალმა გადატორა.

ზღვის ტალღები განაშოტი

ასხლტნენ მისი შეკარებით;

- წამოსულა ქარაშოტი

ჩაუკეტავს კლდეკარები.

თურმე რისხვით არიალდა,

მუხლში იგრძნო მთათა ძალა,

აწყვეტილმა დარიალთან

ზღვის კიდესთან ფრთა გაშალა.