წავალ სადმე, მოვაშენებ ბოსტანს,

გამოვიყვან კომბოსტოს და ჭარხალს,

გადავთარგმნი შექსპირსა და როსტანს,

ან პოეტებს გავეცნობი ახალს.

გადავხედავ ამწვანებულ მთა-ბარს,

დილით ადრე წამოვხტები ზეზე,

გრილი სიო მომიყვება ზღაპარს,

და ბებერ ძვლებს გამოვიშრობ მზეზე.

ჩავისუნთქავ სურნელოვან ჰაერს,

დავივიწყებ სინანულს და წყენას

და მოსმენილ სოფლელების შაირს

დავუბრუნებ ლექსის სახით ენას.