მე დავიბადე დეკემბრის ოცში

როცა ღამეა ყველაზე გრძელი

წვრილი თვალებით ვარდისფერ ხორცში

იყო ორმოცდა თერთმეტი წელი

მე დავიბადე ვარაზის ხევში

უნივერსტეტის ბაღის გადაღმა

ექიმს ვეჭირე კარგა ხანს ხელში

ისე ევასა ჩემი დანახვა

მამაჩემს ქონდა მხატვრობის ნიჭი

დედაჩემი კი არჩევდა ნოტებს

მე დავიბადე პირველი ბიჭი

და მეძახიან ყველანი კოტეს

ლექსი გავს ჩემი ჩანაწერს დავთრის

უცებ რომ მიხვდეს ყველა ვისია

მე დავიბადე პირველ თვეს ზამთრის

როცა ახალ წლის სამზადისია.