ცისფერი ცრემლი დაიკარგა,

უანკარესი,

დაეძებს ყველა,

ქარი ჩადგა,

დაცხრა არესი.

ცრემლების მეტი რა გვინახავს,

მაგრამ ასეთი -

ათასში ერთი თუ იქნება -

მეათასედი.

ცისფერი ცრემლი მოიტაცეს -

ანდამატისა,

მანე და მონე რას მიქვია,

ანდა - მატისი.

ცოცხალი ცრემლი მოიტაცეს -

ცრემლთა მიზეზი,

უნამდვილესი,

უმანესი,

უმატისესი.

აქეთ რას ეძებთ?

მიაბრუნეთ ყველა კარეტა!

ლუვრის კარებთან დაელოდეთ,

ლუვრის კარებთან!