თვალებს შენსას ტკბილი ძილის ფერი აქვს,

მისალულად ემზადება ლამპარიც.

თითო კვარიც შევუმატოთ კერიას,

მერე ერთად ავარჩიოთ ზღაპარი.

ამ ზღაპარში ცეკვავს ნაზი ფერია,

ფერს აფერებს ერთი დინჯი მხატვარი.

ამ ფერიას ღაწვზე ღიმი ჰფენია,

თვითონ ფუნჯიც ღაწვითაა გამთბარი.

ამ ზღაპარში ბევრი თბილი ფერია...

აქ სულ მზეა, ზაფხულშიც და ზამთარშიც...

დასასრულზე არაფერი წერია!

დასასრული არის სულ სხვა ზღაპარში.