დამარცხება?!

არ ახსენო,

არ წამოგცდეს არავისთან,

გალესვა არ დაახანო

ხმლისა, მტერთა მზარავისა.

დამარცხება?!

არ იგუო,

ენდე მრევლის ერთგულებას,

ბეწვის ხიდზე მარჯვედ გახვალ,

თუ ძმა გვერდით გეგულება.

დამარცხება?!

ტკივილია,

არ ემონო არასოდეს,

აამაღლე ღვთის ტაძარი,

მისთვის უნდა კალმასობდე...

გამცემლისთვის თუ განიხვნენ

კარნი შენი კარავისა,

მოქნევა არ დაახანო

ხმლისა, მტერთა მზარავისა.