ზამთარში როცა შეუმცირდა დინება ნილოსს,

რადგან გასაქანს არ აძლევდა ვერაგი ყანჩა,

პატარა ბუზი შეუფრინდა შიგ ყურში სპილოს

და გაზაფხულის დადგომამდე შიგნითვე დარჩა.

მერე კი სიცხემ შეაწუხა როდესაც მწარედ,

რადგან ზრდილობა დაანათლა ბუნებით ღმერთმა,

მან მოინდომა გამოფრენა ისევე გარეთ

და გადაწყვიტა სპილოსათვის მადლობა ეთქვა.

თქვენის ნებართვით სახლს მე შემდეგ ზამთარსაც ვიხმარ

თავს კი არ ვიზღვევ, ეს უბრალოდ თადარიგია,

სპილო გაოცდა - მე არ მესმის საერთოდ ვინ ხარ

შენი არც მოსვლა და არც წასვლა არ გამიგია.