კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 2 ოქტომბერი 11:41

 

 

 

ქუჩებში წვიმდა. მე ვიყავ მარტო.

ვუსმენდი წვიმას და თუთუნს ვწევდი.

და ოთხკედელში მოქცეულ ფართობს

წვიმა ავსებდა საკუთარ სევდით.

მე ჩემი მქონდა და მსურდა მშვიდად

მეძებნა ჩემი სევდის მიზეზი,

მაგრამ ვიღაცა სახურავს მხიდიდა

და ჩამდიოდა წვიმა კისერში.

მე ვფხიზლდებოდი და დიდი ბაღი

ბრწყინავდა წვიმის ყალბი მძივებით.

ბრწყინავდა კუბოც, რომელსაც ხალხი

ნელა მისდევდა, როგორც იმედი.

მე აღარ მახსოვს, რა მოხდა ადრე,

ან ჩემს სიყვარულს ვის ვაძალებდი,

მე მახსოვს მხოლოდ, რომ ბებერ ჭადრებს

ეკიდა წვიმის მძიმე ზარები.

და გარეუბნის ნაცრისფერ ღრუბლებს

შეშფოთებული უცქერდა ხალხი,

უცქერდა ჩუმად და სველი კუბო

მიჰქონდა, როგორც ჩამქრალი ჭაღი.

ქუჩებში წვიმდა და წვიმის წვეთებს

არ აწუხებდათ ცოცხლების ხვედრი.

და ყველაფერი მოჩანდა მკვეთრად

წვიმით გაჟღენთილ სიკვდილის გვერდით.


პოეზიის გვერდი   • • •   პოეზია - ოთარ ჭილაძე  • • •   ოთარ ჭილაძის პოეზია

მსგავსი თემები