საყვარლისა ეშხზედა

ღვინო დამილევია,

მის ხსოვნა-სიყვარულში

სულიც დამილევია.

მისმა შუქმა დამადნო,

სიცოცხლეც დამწვარია

დღე-დღეობით მზე არის

ღამ-ღამობით მთვარეა!

მისი ცეცხლი ამ გულსა

აროდეს არ ნელდება:

თუ იმას არ უყურებ,

დღე ნათელი ბნელდება.

მაშინ ვკვდები სევდითა,

სისხლის ცრემლით ვსტირი მე!

სანამ არ მანუგეშებს,

იმისი კი ჭირიმე!..

საყვარლისა ეშხზედა

ღვინო დამილევია,

მის ხსოვნა-სიყვარულში

სულიც დამილევია!..