არწივთა თვალები ბრწყინავს ვარსკვლავებად,

ფოლადის ნაბიჯი გიმშვენებთ სიარულს,

ვეფხვები მიგიძღვით წინ ვარჯიშთავებად,

მიდიხართ და იწვევთ ვაშას და ჟრიამულს.

გვიტაცებს ხალისი გიჟური, მარადი, 

"ვარსკვლავი“, "სამშობლო“, თამაში, "გუნდობით"

გვაბრმავებს სინაზით ძვირფასი პარადი,

ხალხისგან ყოველთვის ნადაფნი ბრუნდებით.

ათასი სალამი შევარდენ რაინდებს,

სილამაზისათვის დე, მუდამ იწვოდეთ

და თუ საქართველოს მტერი არ დაინდობს,

გმირულ სიცოცხლესთან სიკვდილიც იცოდეთ!