მე მგონია, დასაწერი დაიწერა,

დასახატიც დაიხატა თითქოს, -

შენი ელვა ჩემს სხეულში დამიწდება,

შენი შუქი უკვე მსხვერპლად მითხოვს.

ნაგვიანებ თოვლად მოდის გარინდება,

შავი ღამე შავ უფსკრულებს აღებს, -

შენი სიტყვა ხორცში ისრად ჩამიჯდება,

შენი ჰანგი დაცამიწყვეტს ძარღვებს.

აღარც რიდი, აღარც შიშთან შერკინება,

აღარც ტყვია, მაგრამ აღარც ლეში, -

სამწუხაროდ, არაფერი მეტკინება,

სამწუხაროდ აღარავინ შემშლის.

მე მგონია, დასაწერი დაიწერა.