გრძნობებს... რა არ ვეცადე,

გზა ვერ გადავუკეტე...

კაცი სხვას რას ინატრებ

სიყვარულზე უკეთესს!

მოგონება ფრთებსა შლის, -

წარსულს გავიზღაპარებ...

თვალებს ამ სიბერეშიც

ქალებისკენ ვაპარებ.

დარდი მომძალებია, -

არ ჩანს გზა გასახარი...

ლამაზ ქალის შემყურეს,

მოქცეული მაქვს მხარი!

თუმც ნელინელ მინელებს,

მფრქვევი ტრფობის ალისა...

გრძნობებს ვერ შემინელებს,

ჯიუტობა ქალისა!

გვერდი ვერ ავუქციე,

ბევრსაც გული დავპირდი...

ქალი - ყოვლისშემძლეა,

ქალი... ქალი-მაგნიტი!

თვალებს ვერ ავუკრძალე,

ქალებისკენ ყურება...

ქალი რომ არ უყვარდეს,

კაცი არ მეგულება.