ყური ვუგდოთ ბილილების,

გვირილების ნაზად შრიალს, -

ყვავილების ქვეყანაში

ყვავილების მეჯლისია.

საქართველოს სიყვარულში,

აბა, როგორ დავიღლებით,

ზაფხულშიაც ყვავილები,

ზამთარშიაც ყვავილები!

ზოგი ლურჯად იღიმება,

საქართველოს ზეცასავით,

ზოგი ბროლის ნასხლეტია,

ზოგი მარჯნის შესადარი.

გაუმარჯოს, ვინც ამ დილით

გაუღიმა სატრფოს ნაზად,

ვინც ყვავილი გულის ყვავილს,

მოკრძალებით შესთავაზა.