რაა ვარდი, თუ ვერ გყნოსავს შენ, ლამაზო ვარდივითა?

უბადაგოდ გაზაფხული ხომ მოვიდა დარდივითა!

თუ ბულბული არ გვიგალობს, მაშინ ბაღი რა ყოფილა.

გვერდით ტურფა თუ არ მიზის, გულს ვერ ჩავთვლი კმაყოფილად!

რაა ბაღი, თუ არ არის ვარდნარი და დაფნიანი!

რა გამოდგა, თუ არ ვკოცნე გოგო ბაგეთაფლიანი!

ამ ბაღს მაშინ შევიყვარებ და სამოთხეც მეგონება,

თუ აქ ვარ და თანაც გულზე ლერწმისტანა მეკონება.

თუ ჭკვიანი გინდა იყვე, შემისმინე შეგონება!