მეგულება მზედ და მეგულება ედემად

ჩემი ივერიის მიწა მეიმედება.

მისი სუნთქვა თბილი, გულს სალბუნად ედება,

ჩემი ივერიის სუნთქვა მეიმედება.

მხოლოდ მას ერთს ჩემი სიმღერა და ვედრება,

ჩემი ივერიის ჩანგი მეიმედება.

არა, ჩვენი ჯიში, ვიცი, არ იხედნება,

ჩემი ივერიის სისხლი მეიმედება.

ვრჩებით მამულისთვის თავგანწირულ მხედრებად,

ჩემი ივერიის დროშა მეიმედება.

ვესალმები დილას, სიცოცხლით რომ თენდება,

ჩემი ივერიის ხვალე მეიმედება.