სხვა შუქმადლით ბრიალებს,

დღეს სამშობლო ჩემი...

და მთებს მხარბეჭიანებს

მზის ღიმილი შვენით.

დე გაბრწყინდეს მზესავით

მშობლიური მხარე,

გვწამდეს ის, რაც დღეს არის, 

რაც იქნება ხვალე.

გვწამდეს მისი სიმაღლე,

უკვდავება მისი,

ამაოდ არ დაღვრილა,

მამა-პაპის სისხლი.

სისხლი თავდადებულთა,

ჩვენს ძარღვებში წვეთავს:

გვიყვარდეს საქართველო!..

გვიყვარდეს საქართველო!..

გვიყვარდეს საქართველო

სიცოცხლეზე მეტად!..