ვწევარ. სამყარო მთელი

აგერ, საწოლში მიწევს!

გული ხან არ მაქვს, ხან მაქვს,

ხან მიცემს, ხან არ მიცემს!

ვარიგებ პლანეტებს და

იმ პლანეტებზე - მიწებს!

თანავარსკვლავედებში

სულ მისვლა-მოსვლა მიწევს.

თვალსაც შევავლებ, ხელსაც

შავს და უშავეს სივრცეს -

დედამიწელებისთვის

ახალ პლანეტას ვარჩევ,

უკმაყოფილო ხალხთა

ვისმენ აბსურდულ სარჩელს...

...

ვწევარ, სამყარო მთელი

კვლავ ხელისგულზე მიდევს...

ეს დღე მოელის ყველას,

ვინც თავს ბალიშზე მიდებს...

(გთხოვთ, გაუფრთხილდეთ ზღაპრებს,

იმედის მომცემ მითებს...).