ლადოს სული უკაწკაწებს,

ლიმონათი სწყურია,

ნაკლულ ჭიქას ხელს არ ჰკიდებს,

მხრები აუწურია.

- რა ყოფილა?

- წუნია!

რეზო სცემდა თინას,

სუსტს და პაწაწინას,

დაინახა ბენომ,

მოარიდა თვალი.

რა ყოფილა?

- მხდალი!

ნია ქეთოს პირში აქებს,

წამოიწყებს ტიტინს,

მერმე მის ძვირს ლაპარაკობს,

ვისთანაც კი მიდის.

- რა ყოფილა?

- ფლიდი!

ცეროდენა დომენტის

რვეული აქვს თორმეტი.

თვითონ ორი დაიტოვა,

უსახსოვრა პელოს ათი.

- რა ყოფილა?

- ბედოვლათი!

სოკო მოვკრიფე ბევრიო, -

ბადრიმ ქვეყანა შეყარა;

მივედით, ვნახეთ, კალათში

სულ შვიდი ცალი ეყარა.

- რა ყოფილა?

- მკვეხარა!

კახას ათი ვაშლი ჰქონდა,

ერთი ვაშლი მისცა როდამს,

მხოლოდ ერთი ამყოფინა,

ისე როგორც უწინ.

- რა ყოფილა?

- ძუნწი!

დღეს ბებიამ შვილიშვილებს

მოუტანა ათი ბაბთა.

ქეთომ შვიდი აირჩია

და ლამაზად დაკეცა.

- რა ყოფილა?

თავკერძა!