შენ ცოცხლობ... და ფიქრია

შენი პირველსაწყისი,

მიაბიჯებ

შენს ფიქრში

გამოკვეთილ საზრისით.

ფიქრში - ქვეყნის მძერწავო,

ფიქრში - ქვეყნის მისანო,

ფიქრში უნდა ეწამო,

ფიქრში უნდა იწამო.

შენი სულის ტაძარი

იშვა შენი ფიქრიდან.

ფიქრის გზებზე მიილტვი,

ფიქრის გზებზე მიქრიხარ.

ფიქრით აქცევ იდუმალს

და დაფარულს საჩინოდ,

ხვდები: რა და როგორ და,

რატომ აღმოაჩინო.

ფიქრში - ქვეყნის მძერწავო,

ფიქრში - ქვეყნის მისანო,

ფიქრში უნდა ეწამო,

ფიქრში უნდა იწამო.

შენი სულის ტაძარი

იშვა შენი ფიქრიდან.

ფიქრის გზებზე მიილტვი,

ფიქრის გზებზე მიქრიხარ.

ფიქრით აქცევ იდუმალს

და დაფარულს საჩინოდ,

ხვდები: რა და როგორ და,

რატომ აღმოაჩინო.

ფიქრში - ქვეყნის მძერწავო,

ფიქრში - ქვეყნის მისანო,

ფიქრში უნდა ეწამო,

ფიქრში უნდა იწამო.

ფიქრი ზუსტად გამოკვეთს

რაც იყო და არ იყო,

დრო და ჟამი რითი და,

როგორ დაათარიღო.