გამოგვაღვიძებს გამთენიისას

ომახიანი შეძახილი  ფხიზელ მამლების,

მონაცრისფერო ზეცა იისფრად

და საოცნებოდ 

აფერმკრთალდება.

ციური ცრემლი

ბალახებს ფრთხილად

გადაეფრქვევა მბრწყინავ ლალებად

და მოცახცახე მთრთოლვარე დილა

ოცნებასავით

თვალს და ხელშუა გაგველალება.

როცა მამლები 

შეჰყივლებენ ზეცას მესამედ

და დაეფრქვევა დედამიწას ზეცის არილი -

ფხიზლად იყავით, თქვენი კვნესამე,

დილა სარკმელთან ჩამოივლის

ლამაზ ქალივით.